2ª División. Resultados Xornada 22

Moi boas! achegamos resultados da 22ª xornada de 2ª división, desputada este pasado fin de semana:

• Miami 25 - Dragon's Spirit 45: correctivo importante de Dragon's Spirit a Miami que non foi quen de facerlle fronte como fixeran na primeira volta. Tralo tropezo de Dragon's na pasada xornada ante Guitian Kids non quixeron dar lugar a dúbidas levando un partido no que se impuxeron con solvencia a costa das boas intencións de Miami, que polo que parece, pegaron un baixón importante en canto a competitividade neste partido.
• Neogeo Lunic 50 - Colegio Mariano 35: outra victoria sen problemas a de Neogeo ante Colegio Mariano, que tampouco desbotaron a oportunidade para impoñerse nun deses partidos a priori fáciles de gañar, e non quedar sen folgos para chegar coas opcións intactas aos duelos cos equipos da parte alta da clasificación.
• Amfiv 2 43 - C.B. Los 80's Alcabre 55: bo partido o de Alcabre, co que amosa o seu bo estado de forma e a súa voluntade para loitar pola terceira plaza. En fronte Amfiv 2 que doblaba xornada este fin de semana e que comeza a ver como se afasta a primeira plaza do seu alcance.
• Basket Hound 51 - C.B. Cahersa Globossol 34: segundo partido tamén para Basket Hound que logrou impoñerse aos compententes de Cahersa no que parece non tiveron moito problema para levar a victoria. Basket Hound certificaba deste xeito o seu ascenso matemático a primeira división.
• Amfiv 2 26 - Basket Hound 35: o partido entre os dous primeiros, correspondente á 20ª xornada quedou algo descafeinado se atendemos ao marcador. Probablemente foi un choque moi interesante, pero non estamos acostumados a que ningún destes dous equipos anote tan poucos puntos. Se cadra a competencia foi dura e ningún dos dous puxo as cousas fáciles ao outro. O caso é que Basket voltou ás canchas despois dun mes e freou as intencións de Amfiv 2 por seguirlle desputando a primeira plaza.