2ª División. Horarios Xornada 22

Nova xornada, a 22ª en segunda división, onde pouco a pouco vanse asegurando as posicións na clasificación, pero que inda pode deparar sorpresas.

• Miami - Dragon's Spirit: Miami ven de gañar o seu terceiro partido co xogado a xornada pasada fronte a Mariano, e con él xa están na súa media de un partido gañado por volta. Se teñen sorte e consiguen acudir bastantes á convocatoria poderán facerlle fronte o seu rival, Dragon's Spirit, que pola súa banda ven de perder con Guitian Kids. No global, reparto de victorias, cun interesante partido na primeira volta no que gañou Miami con prórroga incluída, e unha victoria para Dragon's na segunda onde sacaron toda a artillería para levarse un partido cómodo.
• Neogeo Lunic - Colegio Mariano: Neogeo ten nas vindeiras xornadas máis que partidos, finales, xa que non poden cometer erros se non queren volver a baixar do caixón do terceiro clasificado. No seu recente partido con C.B. Los 80's Alcabre conseguiron a victoria cun tanteo baixo e seguro buscarán despexar todas as dudas frente a Colegio Mariano, que se converteu a semana pasada no novo colista da categoría. Inda así Mariano non é deses equipos que baixa os brazos e pelexan sempre ata o final algo que deben ter moi en conta os de Neogeo. No global, sendas victorias fáciles para Neogeo Lunic.
• Amfiv 2 - C.B. Los 80's Alcabre: Este será o segundo partido do fin de semana para Amfiv 2, que terá que enfrontarse a Basket Hound o sábado. Dependendo de como chengen ao domingo veremos se son capaces de manter a talla e demostrar oficio, algo que lles faltou na xornada pasada coa importante derrota ante Cahersa. Alcabre estará no outro lado, desexando atoparse cun Amfiv 2 canso que lles facilite as cousas para conseguir un valioso punto a favor na súa particular loita polo ascenso.
• Basket Hound - C.B. Cahersa Globossol: Tempo para a épica por parte de C.B. Cahersa Globossol. Despois de pasarlle por enriba a Amfiv 2 na xornada pasada teñen a oportunidade de demostrar o seu bo estado de forma facendo o propio co líder, Basket Hound, que chegará ao domingo despois de terse enfrontado xusto o día antes a Amfiv 2 no partido aplazado. Oportunidade de ouro para Cahersa de facer dano aos de arriba e seguir acadando bos resultados. No global, reparto de victorias con resultados moi axustados.
• Amfiv 2 - Basket Hound: Duelo no cumio entre os dous primeiros clasificados. Amfiv 2 buscará ante todo recuperar esa primeira plaza que perdeu fai tres xornadas, pero non vai ser fácil tendo diante a un rival como Basket Hound. Entre o parón de semana santa, xornada de descanso e partido aplazado, os de Basket levan case un mes sen pisar as canchas, algo que pode xogar na súa contra ou que tamén pode facer que veñan con máis ganas. No global, reparto de victorias.

Un saúdo

Karnixouvas