3ª División. Resultados/Clasificación Xornada 4

Moi boas! resumo rápido do que aconteceu na xornada 4 en terceira división porque xa temos os horarios da próxima e imos pillados!

• Vikings 42 - Ouxo Bouzas 63:  novo resultado contundente para Ouxo Bouzas, desta vez ante Vikings, que tivo dobre xornada e que rematou o finde con dúas derrotas. Ouxo segue pegando forte e apunta alto. Vikings por contra queda un pouco desinflado tras estas catro primeiras xornadas. Veremos que pasa nas seguintes.

• R. Portas C.B. 62 - N-Beade 32: outros que están facendo un bo inicio de campaña, Portas pasou por riba de N-Beade gañando por trinta puntos de diferencia. Os rapaces de N-Beade semella que non puideron facer moito máis e quedan cun balance de 2-2 na metade da táboa.

• Raiders 20 - Lonza 0: nada que engadir, partido que non tivo lugar. Non sabemos a razón.

• Abaco 33 - Don Balón Momper 44: Abaco segue sen levantar cabeza e van catro, estiveron na súa media de 30 puntos por partido, pero insuficientes para superar a Don Balón Momper que colle folgos coa súa primeira victoria da tempada obtida na cancha.

• Black Roosters 39 - C.B. Mariano 49: partido entretenido entre Black Roosters e Mariano, no que gañaron estes últimos por dez puntos. Mariano parece que comeza a levantar a cabeza, despois dun mal arranque. Black Roosters, algo irregular, terá novas opcións na vindeira xornada que non poden desaproveitar para seguir a flote.

• Vikings 40 - N-Beade 42: victoria mínima para N-Beade neste partido recuperado desde fai varias xornadas. Non sabemos os detalles, pero persoalmente agardaba un resultado diferente. Noraboa para N-Beade que con esta victoria sitúase cun balance de 2-2.

Saúdos

Karnixouvas