A intrascendente xornada 18 puxo fin á liga regular, con mínimas variacións na clasificación e con todo preparado para a seguinte fase, a liguiña de ascenso e descenso.
Ouxo-Bouzas rematou como líder seguido por Exacta Sperta e Deportes Balbi en segundo e terceiro lugar, completando o grupo Alcume. De entre eles sairán os equipos que participarán o ano que ven en primeira división. No grupo do descenso parece haber unha clara diferencia entre o quinto e sexto clasificado (Portas e Angel Mapfre) e os tres de cola (Academia Atenas, Amfiv e Raiders), veremos que pasa.
No grupo do ascenso Ouxo-Bouzas enfrontarase a Alcume Basket, repetindo o partido de fai un par de semanas onde Alcume foi quen de endosarlle a segunda derrota da tempada ó líder. Moita atención por tanto por ver de novo a estes dous equipos tantear forzas.
O outro partido do grupo terá como protagonistas a Exacta Sperta e Deportes Balbi. Exacta rematou esta segunda volta cun balance de 6-2, quedando a catro puntos de Ouxo do que tratou de non despegarse durante gran parte da liga regular. Balbi tivo un rendemento similar saíndo derrotado no último enfrontamento entre eles e estando o balance particular en 1-1.
Moitas opcións por tanto nesta primera xornada de playoffs, onde os cara a cara están empatados e pode pasar de todo.
No grupo do descenso Angel Mapfre xogará o seu primeiro partido contra Raiders. Un emparellamento moi dispar no que Raiders terá que poñer máis intensidade para poder facer fronte a un equipo que estivo pelexando por entrar no grupo de arriba ata fai ben pouco.
Academia Atenas pola súa parte terá como rival a Amfiv. A incógnita sigue vixente para este último, que ven de resultar derrotado por Ouxo Bouzas na derradeira xornada da liga. Atenas é o mellor deste grupo de tres de cola, pero no seu balance particular tamén están 1-1.
Unha primeira xornada de playoff bastante interesante, o grupo de cabeza vai levar gran parte do protagonismo de seguro, dado o estreito marxe entre eles, pero veremos tamén se hai sorpresas no grupo do descenso.
Moita sorte a todos, voltamos para a semana.
Un saúdo
Karnixouvas
Ningún comentario:
Publicar un comentario