2ª División. Resultados Xornada 20 | Horarios Xornada 21

Terceira xornada de playoff esta fin de semana con equipos que comezan a marcar as primeiras diferencias, pero con moito por xogarse todavía.

Exacta Sperta enfrontarase o domingo a Alcume Basket. Son os únicos do grupo do ascenso que tras estas dúas xornadas inda non conseguiron gañar un partido, polo que a necesidade apremia. En liga reparto de victorias. Polo visto ata agora parece que Alcume é a terceira forza deste grupo, conseguindo axustar moito os resultados das súas dúas primeiras xornadas ante Ouxo e Balbi, perdendo por tan so un e dous puntos de diferencia respectivamente. Exacta necesita un pouquiño máis de intensidade ou sorte para non perder o ritmo. Despois deste partido sairemos de dúbidas.

O outro enfrontamento estará entre Deportes Balbi e Ouxo Bouzas. Neste caso, balance de 2-0 a favor de Ouxo en liga. Balbi chegou decidido a facer ruido neste playoff e aposta polo ascenso desde o comezo. Ouxo pola súa parte quere seguir demostrando que é o máis forte e polo momento segue mandando na clasificación. Veremos o que acontece.

No grupo de abaixo Academia Atenas chega necesitado de puntos a esta xornada. Acumulan dúas derrotas e os seus vindeiros enfrontamentos non son fáciles. Nesta xornada tócalles R.Portas Overtake que comezou enchufado este playoff gañando por 20 puntos a Angel Mapfre, o seu principal rival.

Amfiv comezou tamén con bo pe, nunha primeira xornada ante Atenas na que gañaron por 6 puntos, nun partido de moita anotación por ambos equipos que sigue engadindo dudas sobre o seu rendemento. Neste caso enfrontaranse a Raiders que ben precisamente de gañar a Atenas, disposto a facer méritos para non quedar tan danmificados en playoff como fixeron en liga.

Moita sorte a todos

Un saúdo

Karnixouvas