2ª División. Horarios Xornada 7

Alguén se queixaba de que non había vacacións de Nadal na Vigo en Xogo? Agardo que as disfrutárades porque despois da suspensión case ao 100% da xornada 6 todo apunta a xornada doble no penúltimo fin de semana do ano... Si, seguimos sendo os principais perxudicados nesto do reparto de pistas e xa empeza a cansar o tema. Incluso algún equipo atopou a súa pista de entreno pechada pola semana, por suposto sen recibir aviso ningún.

As veces un quere pasar do tema e o cabreo dura un día, pero despois daste conta que estás pagando por xogar ou por entrenar, e parece que che están facendo un favor cando a realidade é que son uns incompetentes e irresponsables. Desde logo non falo da organización, que dame a impresión que pouco ou nada pode facer neste caso, pero penso que falo por moitos cando digo que somos o colectivo máis marxinado do deporte aficionado vigués. Cada un que saque as súas propias conclusións.

Mentres tanto seguiremos tentando desfrutar do baloncesto, sempre que nos deixen...