Restan so 3 xornadas para a finalización do playoff no que todavía quedan cousas por decidir. Pouco se moveron os postos en xeral tanto no grupo do ascenso como no de descenso.
Por arriba Alcume comeza a esgotar as súas posibilidades de escalar algún posto e mantense na cuarta posición a unha distancia insalvable do primeiro clasificado, Ouxo, contra quen perderon a pasada xornada nun partido de moita anotación. Nesta xornada agarda Deportes Balbi, que acumula a súa terceira derrota consecutiva, confirmando un baixón importante que está desfacendo a boa imaxe coa que chegaron a este playoff e que seguro dará alas ós de Alcume.
Ouxo pola súa parte terá en fronte o equipo responsable da súa única derrota neste playoff, Exacta Sperta, que leva case desde a primeira xornada de playoff, alternando victoria e derrota semana tras semana. As ganas de revancha serán máis que evidentes, e máis tendo en conta que Ouxo pode poñer punto e final á competición a falta de dúas xornadas.
Por abaixo R.Portas Overtake segue apostando forte polos primeiros postos deste grupo despois da importante e axustada victoria da xornada pasada fronte a Angel Mapfre. Neste caso xogan ante Academia Atenas, rival que non lles debería dar problemas, pero que semella comezar sempre con bo pe os seus partidos contra eles.
O outro encontro da xornada estará protagonizado por Raiders e Amfiv, equipos con estadísticas moi dispares, no que Raiders non ten moito que perder, caso contrario de Amfiv, que pode complicarse de acadar un resultado adverso.
Boa sorte a todos
Un saúdo
Karnixouvas
Portas 53 - Atenas 46
ResponderEliminar