Horarios Xornada 17 1ª e 2ª División

Partidos interesante en primeira, coma o do líder contra Red Skins, dous equipos que veñen de gañar os seus dous últimos partidos na xornada dobre, el Marrajos-Amenaza e os dous de Ralarsa contra Basket Hound e 100 Tolos.

En segunda , coma partidos interesantes, os dous de Ángel Mapfre contra Dragon´s e S.M. e o de Deportes Balbi contra Lore. Veremos coma remata a semana...

De outros temas creo que xa se falou bastante durante toda a semana... 

3ª División. Resultados Xornada 16 | Horarios Xornada 17

Algo tarde pero aquí estamos cos resultados da xornada pasada e os horarios para a vindeira en terceira división.

Antes de comezar, quería destacar unha nova que saíu hoxe na prensa acerca do seguro da Vigo en Xogo e que xa están comentando no fío de primeira. Aquí a noticia. Básicamente trata sobre un problema que están afrontando os compañeiros de un equipo de fútbol 7 no que dous dos seus integrantes sufriron unha lesión e o seguro négase a facerlles probas e moito menos a operalos dado que o incidente tivo lugar sen a intervención de outro xogador. E dicir, que se lesionaron eles sos. Por si tiñamos pouca historia co tema das canchas, agora resulta que o seguro que pagamos non nos vai cubrir nestes casos. Imos de mal en peor, ata cando vamos a seguir aguantando?

Por certo, o tema dos grupiños do whatsapp, seguimos igual...de 30 equipos teño o teléfono de 4. Despois queremos poñernos dacordo...

Vamos cos resultados da xornada 16

• Vikings 53 - Don Balón Momper 37: Vikings está espertando e adopta postos máis competentes na categoría despois desta victoria ante Don Balón Momper que aculuma dúas victorias consecutivas e baixa dous postos de golpe. Con un pouco de sorte Vikings pode aspirar a rascar algo máis por arriba, polo momento xa puxeron algo de distancia coa parte baixa da clasificación.

• C.B. Mariano 28 - Lonza 38: sorpresón, Mariano pinchou estrepitosamente contra Lonza, cun resultado moi inesperado e perde opcións a loitar pola terceira plaza. Non entraba nos seus plans perder contra Lonza e non sabemos tampouco a que se debeu ese resultado tan baixo. Lonza pola súa parte consegue unha victoria igualmente inesperada e importante para entrar nese apretado grupo medio.

• Black Roosters 21 - N-Beade 46: Black Roosters non levanta cabeza e poucas opcións vexo de que cambien as cousas para eles. De aquí a final de tempada ten pinta de que non van a pasar dese 9 posto que ocupan e poderían incluso caer ó último. N-Beade salvou sen contratempos o partido e xa poden pensar no seguinte.

• Abaco 28 - Ouxo 62: duro rival para Abaco que non puido facer nada por evitar unha derrota abultada frente á apisonadora de Ouxo, que están noutro planeta totalmente. Pouco que comentar ó respecto.

• Raiders 40 - R.Portas C.B. 42: moi desputado este partido entre os outros dous equipos que ocupan plaza de promoción e que polo que parece puido decantarse de calquera lado. Portas parece que comezou con moita intensidade ata que chegou a segunda parte e caíron en picado, algo que aproveitaron os de Raiders para deixar o marcador moi axustado e quedar ás portas da victoria. Triunfo importante para Portas que salva así o average particular entre ambos.

• Vikings 50 - C.B. Mariano 35: pleno para Vikings este fin de semana e descalabro para Mariano. Dúas victorias para un, dúas derrotas para o outro. Vikings está facendo as cousas moito mellor do que nos tiñan acostumados, nótase a progresión, xa tardaba en chegar. Mariano fai aguas nun fin de semana para esquecer e comeza a perder as patas da silla do cuarto posto, inda lles queda renta pero non se poden permitir fins de semana como este.

• Raiders 52 - N-Beade 35: importante victoria para Raiders para seguir mantendo diferencia cos perseguidores e non perder opcións por arriba. N-Beade non estivo moi atinado e non puido ser competitivo nesta ocasión. Ambos pechan o fin de semana con unha victoria e unha derrota, así que non está de todo mal.

Vamos co repaso á vindeira xornada.

• Raiders - Vikings protagonizaran un partido moi interesante non que de seguro ningún dos dous vai deixarse nada para conseguir a victoria. Raiders está obligado a seguir o ritmo que marcan Ouxo e Portas, e Vikings ten fame e vai a por todas.

• Portas - Abaco xogarán un partido bastante intrascendente no que as apostas dan como favorito claro a Portas e hai poucas opción para a sorpresa, a pesar da mellora de Abaco das últimas xornadas

• Ouxo Bouzas - Black Roosters: pouca trascendencia tamén neste partido e apostas igualmente claras tamén para a victoria de Ouxo. Black Roosters a aguantar o temporal

• N-Beade - C.B. Mariano: outra sopresa para Mariano? a priori non debería ser, pero visto o visto este fin de semana todo pode suceder. N-Beade ven con case tanta fame como Vikings, veremos que pasa.

• Lonza - Don Balón Momper: fai unhas xornadas os postos eran totalmente o revés. Persoalmente apostaría por Lonza, pero é certo que Don Balón Momper non pode empeorar máis a súa situación.

• R. Portas C.B. - Ouxo Bouzas: o partido da xornada. Moitas ganas de ver o que sae de aquí. Ouxo leva un ritmo imparable. Xogan baloncesto de segunda (algúns din que de primeira) e están arrasando no seu debut na competición. Portas quere seguir amosando que está ahí para facerlle fronte a quen sexa e inda que os seus resultados non son tan contundentes como os de Ouxo, tamén nos teñen acostumbrados a ofrecer moito máis do que se agarda deles. O mellor ataque da liga fronte a mellor defensa, collan sitio...

• Abaco - Lonza: Abaco non vai poder aproveitar a doble xornada que ten Lonza, xa que é o seu primeiro partido do fin de semana. Inda así damos un voto de confianza. Lonza pode rematar esta doble xornada en plena zona media. Todo depende deles.

Sorte a todos

Un saúdo

Karnixouvas

Resultados xornada 16 1ª e 2ª División

Bos resultados para Uvigo Basket (que abren unha brecha de tres partidos sobre os segundos, nunha dobre xornada para eles de alta puntuación) e Red Skins na primeira división. Basket Hound, Amenaza, 100 Tolos-Puño de Amura e Ralarsa gañaron alomenos un dos partidos que disputaron (un no caso dos dous últimos). Perderon Neogeo e Marrajos, e Alcoba e Amfiv os seus dous partidos, co que cada vez queda máis lonxe a posibilidade de salvación para os últimos. Coidado coa loita polas dúas últimas prazas de descenso, que se apertan cada vez máis.

En segunda SM gañou o partido da xornada a Lore e seguen con paso firme. Deportes Balbi gañou a Ángel Mapfre , que sufríu no seu partido contra Alcume, e Exacta gañou os seus dous partidos. Jedys conseguiu a súa terceira victoria consecutiva e os Dragon´s fixeron bos os pronósticos. Coma se está a apertar todo aquí tamén, miña nai...

Resultados xornada 15 e horarios xornada 16 primeira e segunda

Desculpas por non ter feito as crónicas dos partidos de primeira e segunda. Pouco tempo para elo... Resultados interesantes para Uvigo, Basket Hound e Amenaza, que gañaron os seus dous partidos, e mala para Red Skins, Neogeo e Amfiv, que seguen na zoa de descenso. En segunda, boa victoria de Lore e gran xornada de Jedys, que gañaron os seus dous partidos os equipos da zona media-alta da táboa. ¿Será este o rexurdir da forza?...

En primeira este fin de semana, prato forte entre o primeiro e o segundo da liga...

En segunda , Lore deberá demostrar se a victoria da semana pasada ten continuidade, ou se os rapaces de Sm continúan coa súa boa racha...

3ª División. Resultados Xornada 15 | Horarios Xornada 16

 
A sorte aliouse con nós esta fin de semana e pese a que o domingo choveu, parece que todos os partidos puideron xogarse sen problema. Como non podía ser doutro xeito, Balaídos tiña que ser noticia por algo, e desta vez o tema foi que non había auga quente nos vestiarios, unha máis para a colección...

Vexamos que aconteceu nesta xornada

• N-Beade 31 - Abaco 37: Premio para Abaco!, e un servidor que se alegra por eles e por seguir levantando a cabeza despois do mal que comezaron as cousas para eles. O danmificado foi N-Beade que está perdendo ritmo nas últimas xornadas e apunta a perder algún que outro posto na clasificación.

• Lonza 32 - Black Roosters 31: victoria pola mínima para Lonza que afasta un puntiño máis a parte baixa da clasificación. Ou as defensas foron moi boas ou ningún dos dous equipos estiveron atinados, penso máis ben que o segundo. Black Roosters segue caendo en picado unha xornada máis, a pesares de perder por so un punto.

• Don Balón Momper 41 - C.B. Mariano 50: bo rexistro anotador neste partido a pesares de tratarse dun dos dous madrugadores do domingo. Mariano acadou unha victoria importante na súa carreira polo terceiro posto e achégase algo máis a Raiders. Don Balón Momper non estivo nada mal quedando a 9 e seguindo estable na clasificación.

• R. Portas C.B. 41 - Vikings 35: o outro partido das 9:30 do domingo gañouno Portas por unha pequena diferencia frente a Vikings. Para eles Portas non entra na súa quiniela, pero sempre é importante aproveitar as oportunidades. A pesar do esforzo quedoulles un anaco para conseguir a victoria. Portas pola súa banda cumpliu co esixido para seguir no alto da clasificación xunto a Ouxo.

• Ouxo Bouzas 53 - Raiders 25: Ouxo segue sen rival e doblou en anotación ó terceiro clasificado, Raiders, que polo que parece, poucas opcións tiveron de facerlles fronte. Polo de agora ninguén atopou o modo de sacar unha victoria frente a eles, e non me estrana dada a facilidade coa que xogan.

E deixámosvos cos horarios da seguinte xornada, cun par de partidos recuperados da xornada pasada.

Recordo que estamos tentando facer UN GRUPO DE WHATSAPP PARA CADA UNHA DAS DIVISIÓNS, para tratar o tema das pistas, tomar decisións conxuntas e ter un contacto entre todos,  que sempre pode vir ben. ENVIÁDEME A KARNIXOUVAS@GMAIL.COM O NOME E TELÉFONO DUN RESPONSABLE DE CADA EQUIPO PARA PODER ORGANIZALO.

Un saúdo

Karnixouvas

Xornada 15 1ª e 2ª (a xornada 13 dame a risa)

Poño os horarios da xornada de primeira e segunda. Hai que poñer algo.

A xornada do sábado probablemente se poderá disputar. Da xornada do domingo noraboa en primeira a Neogeo e La Alcoba que probablemente poidan xogar (aínda que Teis non é o mellor sitio con chuvia). en segunda noraboa os do Berbés que eses xogan seguro, e os de Balaídos do sábado. O resto... Escacho coa risa...

Por certo, ¿a alguén dos que mandaron os correos contestáronlle?. Só por curiosidade...

3ª División. Horarios Xornada 15

Se esta liga non tiña data de caducidade vai sendo hora de ir poñéndoa. Despois do despropósito da semana pasada, chegamos a outra con semellante panorama. Os de Teis serán os únicos garantizados, así que so falaremos sobre eles.

• N-Beade - Abaco: N-Beade ten o seu posto en xogo e unha derrota non debería cadrar dentro das súas opcións, menos inda cando o rival e Abaco que a pesar de seguir último na clasificación ven de facer un bo partido frente a Don Balón Momper o que deixa aberta algunha posibilidade

• Lonza - Black Roosters: Lonza ten como rival ó seu principal competidor na clasificación, e tras a derrota frente a Raiders pode ver un pouco máis de luz cun rival máis asequible como Black Roosters, que veñen de perder un partido de moi baixa competencia con Don Balón Momper (22-26).

Xa por último, como vexo que esto de Balaídos é a historia interminable, fágome eco dun comentario no que se comentaba a posibilidade de facer un grupo de Whatsapp para coordinarnos cando se dean situaciones como as do fin de semana pasado. Se vos parece ben, a idea é que cada equipo me envíe por correo a karnixouvas@gmail.com o teléfono dun responsable para facer o grupo e así poder tomar decisións conxuntas e ter un medio de comunicación directo entre nós. Como sei que haberá xente que non pasa moito por aquí, comentádeo cos vosos rivais para que todos colaboremos.

Un saúdo

Karnixouvas