3ª División. Resultados Xornada 1 | Horarios Xornada 2

1ª División. Horarios Xornada 1

Unha tempada máis seguimos á procura de redactores para a 1ª división. Se te animas a compartir as túas impresións sobre o acontecido en cada xornada, podes escribirnos un correo a karnixouvas@gmail.com, e gustosamente publicaremos a túa crónica xunto cos resultados.

Un saúdo

Karnixouvas

2ª División. Horarios xornada 1 | ACTUALIZACIÓN |

| ACTUALIZACIÓN |

A organización inda gardaba unha sorpresa máis. Se onte comentaba que parecía raro que Amfiv2 estivera en terceira, esta mañá espertamos coa corrección lóxica: Premir en terceira e Amfiv2 en segunda.

Como comentades por aquí abaixo, parece ser que Carbón Bemáfrica son os antigos Alcume e La Góndola Food-Balbi os antigos R.Portas, quedaría por tanto C.Ecuestre Rías Baixas que por eliminación serían Ouxo...sairemos de dúbidas nuns días.

-------------------------------------------------------
Rematou finalmente o baile de datas para o comezo deste novo curso baloncestístico 2019/2020 que comezará (se non hai máis sorpresas) o vindeiro sábado 19 de outubro.

Un ano máis un servidor aportará o seu graniño de area para comentar, sempre que haxa tempo, o acontecido nas xornadas de segunda división, inda que encantaríame compartir prato con outros comentarístas que queiran saír do fondo do fío de comentarios, para dar a súa opinión sobre a categoría de prata. Estades convidados, podedes escribirme a karnixouvas@gmail.com.

Este ano a segunda división será grupo par, polo que non haberá xornadas de descanso. Vemos o ascenso e retorno de Mariano a segunda división, e a irrupción de Vicus e Fisiomiño Xestas que acadaron o ascenso o ano pasado compartindo posto, e completando unha moi boa tempada regular.

Seguimos por nomes coñecidos con Neogeo Las Brasas, que se mantén en segunda, así como Exacta-Sperta que non puido clasificarse para o ascenso a primeira. Castrelanos e Grupo Premir, aparecen tamén por aquí, e cos últimos (Premir), asáltanme as dudas porque vexo que falta Amfiv 2, que se non me equivoco acadara a salvación na última xornada ao vencer a R.Portas, quedando por riba deles na clasificación. Así que se alguén pode botar luz sobre o asunto, agradécese ;-)

Completan o grupo os descoñecidos por cambio de nome como C.Ecuestre Rías Baixas, Carbón Bemafrica e La Góndola Food-Balbi, entre os que se atoparán probablemente os antigos Alcume e R.Portas, (a bola de cristal agora mesmo non me di nada sobre o que falta...)

Así que nada, semella que está xa todo listo para o comezo (esperado) da liga Vigo en Xogo 2019/2020.

Moita sorte a todos nesta primera xornada, voltamos a vindeira semana!

Un saúdo

Karnixouvas

3ª División. Horarios Xornada 1

Unha tempada máis seguimos á procura de redactores para a 3ª división. Se te animas a compartir as túas impresións sobre o acontecido en cada xornada, podes escribirnos un correo a karnixouvas@gmail.com, e gustosamente publicaremos a túa crónica xunto cos resultados.

Un saúdo

Karnixouvas

|ACTUALIZACIÓN| Tempada 2019/2020

| ACTUALIZACIÓN 2 | 

 A DATA DE INICIO DA COMPETICIÓN VOLVE AO 19/20 DE OUTUBRO

| ACTUALIZACIÓN | 

O INICIO DA CAMPAÑA 2019/2020 APRÁZASE PARA O VINDEIRO 26 DE OUTUBRO

 
Moi boas a todos, como xa sabedes, a Agrupación Deportiva Vigo ven de anunciar hai poucos días que a campaña 2019/2020 dará comezo o fin de semana do 19/20 de outubro, polo que so haberá parón o primeiro fin de semana do ano (4-5 de xaneiro) e os fins de semana que cadren preto de festivos (findes do 2-3 de novembro, 7-8 de decembro e 11-12 de abril).

Inda non está publicada a configuración dos grupos, pero xa sabemos que, como ocorre tódolos anos, haberá sorpresas, equipos que desaparecen, "fusións" e descensos salvados "nos despachos".

Agardaremos ás vindeiras semanas para a publicación de grupos.

Xa hai ganas de basket!!

Un saúdo
Karnixouvas

Copa Semis-Final

Copa - Previa