2ª División. Resultados Xornada 19

Boas a todos! A 19ª xornada deixou resultados sen sorpresas nos que os mellor posicionados na clasificación impuxéronse sobre os seus rivais, deixando un panorama moi similar ao da xornada pasada.

• Basket Hound 51 - Neogeo Lunic 42: Non tiveron sorte os rapaces de Neogeo no seu asalto particular ao liderato da táboa. Polo que comentan, a pesares de un bo inicio con tímida vantaxe para eles, Basket Hound pronto colleu as rendas do partido e comezaron a marcar os ritmos. A verdade é que levan razón e case ninguén dubida que se trata dun dos mellores equipos da categoría, e non so polos seus resultados, senón pola forma que teñen de plantexar os partidos e o que amosan na pista. Merecida victoria polo tanto.
• C.B. Cahersa Globossol 49 - Miami 46: Bo e reñido partido o que xogaron Cahersa e Miami, no que parece ser Miami levou a batuta a maior parte do tempo, pero que non soubo aproveitar as variadas posibilidades que se lles presentaron no partido. Cahersa con 6, primeiro quedan con 5 por un lesionado e despóis con 4 pola quinta falta de outro. Xogaron con 4 máis o lesionado e levaron o partido e por diante as aspiracións de Miami. Varapalo para eles, nun partido que seguramente mereceron gañar pero no que pagaron caros os despistes.
• C.B. Los 80's Alcabre 46 - Guitian Kids 33: Enfrontamento entre o 4º o e 7º clasificado. Deste non temos opinión, así que non sabemos o que pasou realmente. Alcabre non podía perder este partido para seguir dando resposta aos de arriba, e así foi. Guitian pola súa parte segue atascado nos postos de descenso e ve como a distancia co 6º comeza a ser máis grande do desexado.
• Colegio Mariano 36 - Dragon's Spirit 49: Boa racha a de Dragon's que levan 3 partidos sen perder amosando que teñen batería para rato. Inda están a tempo de poñer en apuros aos de arriba, e a verdade é que estaría ben ter un novo ingrendiente na pelexa polo 3º posto! No partido parece que non tiveron maior problema para derrotar a Mariano, non sen esforzo, porque despois de un comezo sinxelo, Mariano púxose a facer o que mellor sabe, presionar en individual e parece que lles deu resultado, tendo que poñer Dragon's un puntiño máis de intensidade para sentenciar o partido.

Todo listo pois para a vindeira xornada. Voltamos o xoves cos horarios.

Saúdos

Karnixouvas

RESULTADOS DE PRIMEIRA XORNADA 21

Resumo dos partidos:

S. PUBLIHABITAT 54 - AMENAZA 50
   Os mozos de Publihabitat seguen facendo das súas por segunda xornada consecutiva... Se antes foron Centolos, agora tocoulle inclinarse ante eles a Ameaza. E a loita polo descenso apértase cada vez máis, señores...
RED SKINS OSIS 60 - ANGEL MAPFRE 38
    Red Skins mantén o paso con Marrajos, e a loita entre eles dúas preséntase apaixonante. Outra baixa anotación de Angel Mapfre (para o que nos ten afeitos), parece que as defensas dos dous primeiros clasificados fanlles madeixa...
MARRAJOS BASKET 51 - C.B. AUTOCRISTAL RALARSA 44
   Sufrindo, polo que parece, mantén Marraxos as súas opcións intactas de alzarse coa liga, en dura pugna con Rede Skins. Ralarsa, correúdo como toda a liga, non quedou moi lonxe de dar a sorpresa...
JEDYS SUFLENORSA 44 - EUROLAGUIA-ALCOBA 59
    Jedys parece cada vez máis carne de segunda. Pero ollo!!. Tamén o parcía o ano pasado e ao final todos sabemos o que pasou... Eurolaguia segue sumando, á espera dalgún tropezo dos dous líderes, que os poida achegar á tan ansiada primeira praza...
ANGEL MAPFRE 56 - UVIGO BASQUET 67
  Partido aprazado que completaba a xornada 13, o segundo seguedo para os rapaces de Ánxel Mapfre, que aínda así disparáronse en anotación respecto o primeiro partido... Pero quen sabe se polo cansancio, ou porque a defensa non é o deles, os universitarios meteron once puntos máis e leváronse o gato a auga.

2ª División. Horarios Xornada 19

Xa estamos prestos e dispostos a comezar a 3ª volta da Vigo en Xogo 2015/2016. O tempo empeza a valer o seu peso en ouro sobre todo para os equipos que buscan salvar o pescozo e ter algunha posibilidade de alcanzar a tan codiciada permanencia. Por arriba librarase una batalla interesante pola terceira plaza, xa que os dous de arriba non parecen ter máis preocupacións que desputar o título.

A xornada 19 en 2ª División celebrarase durante a tarde do domingo nas pistas do Berbés, Bouzas e Pabellón do Carme.

• Basket Hound - Neogeo Lunic: Basket Hound gañou os dous encontros das primeiras voltas con claridade así que podemos agardar una revancha en condicións. A sede de vinganza de Neogeo estará latente e conseguir unha victoria frente a eles sería un moi bo resultado para as súas intencións de ascender de categoría.
• C.B. Cahersa Globossol - Miami: O "representante oficial" da zona media da táboa non tivo tampouco moitos problemas para derrotar a Miami nos dous primeiros partidos. Pola súa parte Miami estará desexando volver a gañar un partido, algo que tiveron tan lonxe as últimas xornadas ao enfrentarse aos tres primeiros clasificados.
• C.B. Los 80's Alcabre - Guitian Kids: Outro combate entre dous equipos con obxectivos completamente diferentes. Os de Alcabre non poden deixar ningunha porta aberta a unha derrota cos equipos da zona baixa, e os de Guitian necesitan saír do apuro do descenso, que pode venderse caro en cuestión dun par de xornadas.
• Colegio Mariano - Dragon's Spirit: E por último temos a Colegio Mariano, que terá enfrente a Dragon's, un equipo que apuntaba alto desde o inicio da campaña pero que non cumpliu o 100% coas expectativas. Mariano ten a dura tarefa de conseguir unha victoria que tamén se lles está resistindo.

Sei que non me vades facer caso, pero agardo polos vosos comentarios neste post, despois dos partidos. Por intentalo non será ;-)

Saúdos

Karnixouvas

2ª División. Resultados Xornada 18

Boas! Rematou a segunda volta da tempada en segunda división coa disputa da 18ª xornada cos resultados que podedes ver aquí arriba. Chegados a este punto xa pouco queda para definir matemáticamente aos equipos que desputarán a vindeira campaña en primeira división. Pero pasemos a ver como foron os partidos de esta fin de semana.

• C.B. Los 80's Alcabre 39 - Dragon's Spirit 43: revancha dos Dragon's que camiñan con máis confianza cara a zona de augas calmas. Polo resultado podemos intuir que foi un partido igualado no que probablemente ningún dos dous quixo cometer moitos erros.
• C.B. Cahersa Globossol 33 - Guitian Kids 28: pouca puntuación neste partido que enfrentaba ao quinto e séptimo clasificado, sobre todo si o comparamos co resultado da primera volta, onde os Kids superaran os de Cahersa por 55-44. O baixon no seu equipo parece acusado e pronto teñen que comezar a mellorar se queren entrar na zona media da taboa.
• Basket Hound 47 - Miami 34: Os Hound seguen apretando os dous primeiros postos da taboa trala súa victoria ante o colista Miami. Polo que contan parece que Miami non lle puxo as cousas moi fáciles cunha primeira parte moi igualada, sen embargo os Hound souberon manter o ritmo e rematar cunha renta de 13 puntos. Boas novas para eles por tanto, que aproveitan a derrota de Amfiv 2 para seguir desputando o primeiro posto. Malas para Miami que terá que esperar aos enfrentamentos cos equipos de máis abaixo para ter oportunidades máis factibles.
• Amfiv 2 53 - Neogeo Lunic 63: "O partido da xornada" non defraudou. O terceiro clasificado subiuselle ás barbas ao implacable Amfiv 2 no que tiveron que repoñerse dunha inconsistente primeira parte, para rematar gañando de dez puntos. Dous equipos que saben xogar a isto e que demostraron estar moi en forma.

A terceira volta promete moito, e segue a cumplirse iso que se di de "liga de tres velocidades". As incógnitas seguen abertas, máis pola parte baixa que por arriba. Atrevédesvos a facer un pronóstico de posicións a final de temporada?

Saúdos

Karnixouvas

Resultados de primeira da xornada 20.

C.B. AUTOCRISTAL RALARSA 49 - JEDYS SUFLENORSA 30

Sen moitas sorpresas no primeiro partido. Esta vez Jedys non semellou ter oportunidade ante un dos equipos máis correosos esta liga, capaz tanto do mellor coma do peor (Esta temporada máis o primeiro que o segundo...)

ANGEL MAPFRE 38 - MARRAJOS BASKET 63

¿¿ Ángel Mapfre 38 puntos ??. ¡¡ Qué alguén mo exprique !!. ¿É que non estiveron tódolos seus tiradores?.¿É que fallaron o que non fallan noutros partidos?.¿É que a defensa de Marrajos rematou sendo asfisiante?. Guarismos altos os deste segundo equipo, que este ano conta con grandísimos tiradores, xente moi física e que corren que se las pelan...

AMENAZA 36 - RED SKINS OSIS 39

Outra victoria "para a saca" de Red Skins (levan unha moi boa temporada e seguen peleando cos de arriba, a pouca distancia - ¡ non vos descuidedes !), con guarismos poco elevados que nos dan para dicir que as defensas impuséronse os ataques...

100 TOLOS 49 - S. PUBLIHABITAT 51

A ¿sorpresa? da xornada. 100 Tolos parece que se desinfla logo dun bo comezo de temporada, e os "todoterreos" dos SM logran una victoria de mérito que comprime un pouco máis a loita pola permanencia...

2ª División. Horarios Xornada 18

Moi boas. Entramos de cheo no mes de marzo coa 18ª Xornada de liga en 2ª división, que pasa por ser a derradeira da segunda volta e que se vai disputar enteramente ao largo do próximo domingo. Parece ademáis que hai primavera adiantada e podemos estar seguros de que Balaídos estará en óptimas condicións porque hai dous partidos programados alí...voltamos as andadas...

Imos co resumo dos enfrentamentos:

• Basket Hound - Miami: a xornada comezará co partido entre o segundo e o último clasificado. Basket Hound non ten pinta de querer perder ningún partido máis para seguir disputándolle o título a Amfiv 2 e vaino ter máis fácil que eles o enfrontarse a Miami. Ao colista lle toca de novo un dos "cocos" da categoría inda que probablemente estará desexando arranxar a desfeita do partido da xornada pasada.
• Amfiv 2 - Neogeo Lunic: importante choque entre o primeiro e terceiro que se agarda emocionante. Amfiv 2 segue mandando na categoría sen amosar debilidades. Pola súa parte Neogeo ten a oportunidade de dar un golpe sobre a mesa para que comecen a telo máis en conta. Unha victoria para eles suporía, de momento, seguir pelexando pola disputada terceira plaza.
• C.B. Los 80s Alcabre - Dragon's Spirit: os de Alcabre son os outros implicados na trama do terceiro posto. Levan tres partidos seguidos sen perder, inda que gañando dous deles moi xustiños como o da xornada pasada fronte a Mariano (33-35). Diante terán a Dragon's, que veñen de gañar a Cahersa pero que non acaban de atopar o xeito de escalar posicións na taboa. De eles depende darlle a volta o asunto. Tempo teñen.
• C.B. Cahersa Globossol - Guitian Kids: e por último atopamos a Cahersa e Guitian Kids. Cahersa colleu gusto á zona media da clasificación e parece que botaron raíces porque levan 8 xornadas no mesmo posto. Teñen máis preto a cola que a cabeza da táboa, polo que faiselle imprescindible sumar unha victoria nesta xornada. Guitian Kids ten o seu alcance coller algo de distancia cos dous últimos clasificados e comezar a ver a luz ao final do túnel, pero precisan estar máis finos para optar a algo máis que a pelexar por saír dos postos de descenso.

Sorte para todos este fin de semana. Agardo os vosos comentarios sobre os partidos para preparar a crónica de resultados do vindeiro martes. Facedes o esforzo? Veña!!

Saúdos

Karnixouvas

2ª División. Resultados Xornada 17

Xa estamos!! "Ante todo mucha calma" como dirían os grandes de Siniestro, que non vos poida a ansia, que estamos de estrea e con zapatos novos ;-)

Como esta é a miña primeira incursión oficial, espero sexades condescendentes e deixedes as armas na porta (por fora).

Imos o tema. Xornada prácticamente sen sorpresas onde os de arriba fixeron os deberes e os de abaixo caeron derrotados, quedando os equipos da zona media con partidos moi disputados onde puido pasar de todo.

• Miami 30 - Amfiv 2 78: Pero que pasou aquí!! Vale que os rapaces de Miami van de últimos e o todopoderoso Amfiv 2 non da o brazo a torcer, pero moi mal teñen que sair as cousas para meterlles unha paliza de case 50 puntos... Botando un ollo ao seu blog saímos de dudas, e vemos que Miami non puido reunir máis de cinco persoas para o partido, unha pena xa que inda sendo un partido complicado para Miami poderían poñerllo un pouco máis difícil como fixeron na primera volta, onde perderon tamén pero de outro xeito (56-52).
• Guitian Kids 45 - Basket Hound 54: melloría clara para Guitian Kids a pesares da derrota ante Basket Hound, se temos en conta que estamos falando do equipo menos anotador da categoría e que levaba unha media de 30 puntos por partido durante as últimas 5 xornadas. Os "cans" tiraron de casta e amarraron un resultado positivo para seguir levando a batuta da categoría (co permiso de Amfiv 2).
• Dragon's Spirit 54 - C. B. Cahersa Globossol 49: outro partido que semella foi disputado onde dous rivais directos pelexaron ata o final e onde os Dragon's levaron a victoria. Desquite pois para eles despois de perder na primeira volta por un resultado similar. Marcade este emparellamento para a derradeira volta se queredes ver un partido entretido.
• Colegio Mariano 33 - C.B. Los 80s Alcabre 35: a piques de dar a sorpresa da xornada, Colegio Mariano plantouse diante do cuarto clasificado para dicir "aquí estamos nos". Un partido con pouca anotación pero de seguro que con moitos nervios. A balanza inclinouse finalmente para os de Alcabre que inda teñen marxe para cometer erros por abaixo, pero que non deben despistarse se buscan amarrarse a corda dos de arriba.
• Amfiv 2 61 - C.B. Cahersa Globossol 46: Madrugón para estes dous equipos que tiñan pendente este partido desde a xornada 12 e que quedaron emplazados o domingo en Bouzas ás 9 da mañá. Parece que máis frescos chegaron os de Amfiv 2 que pouco tiveron que esforzarse no seu partido do sábado ante Miami. Cahersa pola contra viña de tratar cos Dragon's e non sabemos se pasaría factura. O certo é que Amfiv volveu pisar o acelerador, rematando este fin de semana sendo o único equipo que pasou dos 60 puntos, xogando dous partidos.

E ata aquí podemos ler. Como dicíamos, xornada sen sorpresas que fai aos líderes máis fortes o aos de abaixo se cabe máis febles. A ver que acontece na próxima xornada.

Aproveito a estrea para tirarvos un pouco das ourellas aos que non falades dos vosos equipos no blog. Non sexades lacazáns!! Non vos pido que fagades un blog, como os amigos de Neogeo Lunic e Miami, pero facede o esforzo de escribir inda que sexa un comentario coas vosas impresións, unha frase con 6 ou 7 palabras, que non é tanto! e así tamén poñédemelo máis fácil :-P

Grazas por lerme, voltaremos o xoves cos horarios da seguinte xornada.
 
Karnixouvas